ԵՐԵՎԱՆ, 18 հունիսի — Sputnik. Հայաստանի ֆուտբոլի ազգային հավաքականի և Լոնդոնի «Արսենալի» կիսապաշտպան Հենրիխ Մխիթարյանի ու նրա ընտրյալի` հայ գործարարի դստեր` Բեթի Վարդանյանի հարսանյաց արարողության ժամանակ ելույթ է ունեցել Ալ Բանո–Ռոմինա Փաուեր իտալական դուետը։
Trio with the greatest #AlBano pic.twitter.com/D6pFH3RpTj
— Henrikh Mkhitaryan (@HenrikhMkh) 18 июня 2019 г.
Այս մասին հայտնի է դարձել համացանցում տարածված տեսագրությունների շնորհիվ։ Հրապարակված տեսանյութերում երևում է` ինչպես են երիտասարդները պարում իտալացիների ամենահայտնի` Felicità ստեղծագործության տակ։
Made for each other❤️ pic.twitter.com/0w7R6EXzvB
— Henrikh Mkhitaryan (@HenrikhMkh) 18 июня 2019 г.
Մեկ այլ տեսանյութում Հենրիխն ու Բեթին «Volare» ստեղծագործությունն են երգում Ալ Բանոյի հետ։ Հիշեցնենք, որ Հայաստանի ազգային հավաքականի ավագ Հենրիխ Մխիթարյանի հարսանիքը կայացել է երեկ մտերիմների և հարազատների շրջապատում` հայկական մշակույթի համաշխարհային կենտրոններից մեկում` Սան Լացցարո դելի Արմենի կամ Վենետիկի Սուրբ Ղազար կղզում։
— Henrikh Mkhitaryan (@HenrikhMkh) 17 июня 2019 г.
