ԵՐԵՎԱՆ, 17 հունիսի – Sputnik. Հայաստանի հավաքականի ավագ, «Արսենալ» ֆուտբոլային ակումբի կիսապաշտպան Հենրիխ Մխիթարյանը հյուրընկալվել է 11-ամյա ֆուտբոլասեր Էդուարդին: Այս մասին հայտնում է Tert.am–ը։
Տղան ասել է, որ իր երազանքն էր հանդիպել ֆուտբոլիստին:
Էդուարդը դեռ 1 տարի առաջ «Միկա» ֆուտբոլային ակումբում դարպասապահ է եղել, սակայն 1 տարի առաջ հայտնաբերված քաղցկեղի պատճառով առժամանակ դադար է տվել ֆուտբոլային կյանքին:
Տեսանյութում երևում է` ինչպես են Հենրիխն ու Էդուարդը ֆուտբոլ խաղում պատանու տանը։
