ԵՐԵՎԱՆ, 16 հունիսի — Sputnik, Աստղիկ Սուքիասյան. Ներկայացնում ենք 5 հայ հայտնիների, որոնց բուհական կրթությունը, մեղմ ասած, հեռու է իրենց ներկայիս գործունեությունից։
Ատամնաբույժ հանդիսավարը
Ով կմտածեր, որ կատակասեր հանդիսավար Գրիգոր Աղախանյանը մինչ ռեփ կարդալն ու հեռուստաեթերում հայտնվելը 1985-92թթ սովորել է Երևանի Մ.Հերացու անվան բժշկական ինստիտուտի ատամնաբուժական ֆակուլտետում։ Նա նույնիսկ երկուսուկես տարի աշխատել է որպես ատամնաբույժ։
Ի դեպ, հարցազրույցներից մեկում Գրիգորը նշել է, որ բժշկական ինստիտուտ ընդունվել է մոր հորդորով, բայց աշխատել է սիրով։ «Ժամանակին բուժել եմ գործընկերոջս՝ Արամոյի ատամները, տարիներ անց ատամն ընկել էր, իսկ իմ դրած պլոմբը դեռ վրան էր»,–պատմել է Գրիշան։ Նա նաև շեշտել էր, որ ամենևին չի զղջում իր որոշման համար, քանի որ դժգոհ չէ իր ներկայիս աշխատանքից։
Երգել` օրենքներն իմանալով
Քչերը կարող են պատկերացնել, որ երգիչ Արամեն մասնագիտությամբ իրավաբան է։ 2004թ.-ին նա ավարտել է Դոնի Ռոստովի Բիզնեսի կառավարման և իրավունքի ինստիտուտի իրավաբանական բաժինը։ Իսկ երաժշտությամբ սկսել է զբաղվել 11 տարեկանից։
Посмотреть эту публикацию в Instagram
Ինքնուս սովորել է նվագել դաշնամուր, կիթառ, հարվածային գործիքներ: Երգել է Դոնի Ռոստովի «Արևիկ» մանկապատանեկան համույթում: Ինստիտուտը ավարտելուց հետ վերադարձել է Հայաստան և շարունակել երգչի գործունեությունը:
Դիվանագիտական գեղեցկություն
Գեղեցկուհի, հաղորդավարուհի Լուսինե Թովմասյանը մասնագիտությամբ դիվանագետ է։ 2008թ.-ին ավարտել է Երևանի Հայ-ռուսական (սլավոնական) համալսարանի միջազգային հարաբերությունների ֆակուլտետը: 2009թ. ավարտել է Լոնդոնի Վեստմինստեր («Westminster») համալսարանի միջազգային հարաբերություններ բաժնի մագիստատուրայում:
Այնուհանդերձ, Լուսինեն երբևէ դիվանագիտական ոլորտում չի աշխատել։ Հիշեցնենք, որ Լուսինե Թովմասյանը մասնակցել է մի շարք գեղեցկության մրցույթների: 2003թ. նա դարձել է «Միսս Հայաստան», իսկ 2005թ.–ին կրել «Վիցեմիսս Եվրոպա» տիտղոսը: Այժմ էլ ժամանակ առ ժամանակ տարբեր հեռուստահաղորդումներ և հանդիսություններ է վարում։
Посмотреть эту публикацию в Instagram
Հաշվարկված հումոր
Վաչե Թովմասյանը, հեռուստատեսության և հումորի դաշտ է եկել Երևանի պետական տնտեսագիտական համալսարանից, որտեղ սովորել է ինֆորմատիկայի բաժնում:
Հարցազրույցներից մեկում Վաչեն պատմել է․«Երկրորդ կուրսում սկսեցի աշխատել ներկայիս մասնագիտությամբ , որը, ի դեպ , ձեռք եմ բերել բուհի շնորհիվ ՝ խաղալով տեղի ՈՒՀԱ-ի «Նարխոզ» թիմում։ 2005-10թթ եղել է «32 ատամ» ակումբի դերասան և սցենարի հեղինակ:
Посмотреть эту публикацию в Instagram
Վաչեն խոստովանել, որ առաջարկներ եղել են աշխատել իր բուհական մասնագիտությամբ, բայց այսօրվա աշխատանքն իր համար շատ ավելի հետաքրքիր է, մտքի թռիչքի ավելի մեծ հնարավորություն է տալիս։ Բուհում ստացած գիտելիքները Վաչեին օգնում են ճիշտ տնօրինել ընտանեկան, ինչպես նաև իր նախաձեռնած հեռուստանախագծերի բյուջեները։
Սարգիս Ադամյանը և նրա գերմանացի ընկերուհին հանգստանում են թանկարժեք հյուրանոցում.լուսանկար
Կենսաբան երգչուհին` պարուհիների ընտանիքում
Վաստակավոր երգչուհի Զարուհի Բաբայանի առաջին մասնագիտությունը խիստ հեռու է նրա այժմյան գործունության ոլորտից։ Չնայած, որ երգչուհին դեռ 8 տարեկանից հաճախել է Սայաթ-Նովայի անվան երաժշտական դպրոց, այնուհետև` թիվ 19 երաժշտական դպրոց, որտեղ ավարտել է դաշնամուրային բաժինը, պատանեկան տարիքում որոշել է դառնալ կենսաբան:
Посмотреть эту публикацию в Instagram
1992թ. ընդունվել է Երևանի Խ.Աբովյանի անվան պետական մանկավարժական համալսարանի կենսաբանական ֆակուլտետի էկոլոգիայի բաժինը: Որպես կենսաբան երբեք չի աշխատել։ Տարիներ անց նա ստացել է իր երկրորդ մասնագիտական կրթությունը՝ ուսանելով Կոնսերվատորիայի ջազ-վոկալի բաժնում։ Իսկ առաջին բուհում ստացած գիտելիքները, թերևս, վերհիշել է, երբ օգնել է իր երեխաներին յուրացնել կենսաբանության դասերը։
