Երևանի քաղաքապետ Հայկ Մարությանը պատահական հանդիպել է «Թափառող կենդանիների վնասազերծման կենտրոնի» ստերջացրած շնիկներին։ Մարությանը Facebook սոցիալական կայքի իր էջում տեսանյութ է հրապարակել: «Պատահական հանդիպում մեր ստերջացրած շնիկների հետ,–գրել է քաղաքապետն ու շնիկին շոյելով հավելել,–մենք իրեն սիրում ենք, ինքը հաճույք է ստանում»:
16 հունիսի 2019, 13:23
Քաղաքապետը, շոյելով շներից մեկին, ցույց է տալիս նրա ականջի դեղին չիպն ու ասում, որ դրա վրա համար կա, որն իր մեջ ինֆորմացիա է պարունակում։ «Այս չիպի միջոցով իմանում ենք շան մասին ամեն ինչ` երբ է ստերջացվել, ինչ պատվաստումներ են արվել և ինչ պատվաստումներ են անհրաժեշտ հետագայում»,–ասում է նա։
Հիշեցնենք, որ այս տարի նախատեսվում է թափառող 6000 էգ շներից ստերջացնել 4500-ը, այսինքն` շուրջ 75 տոկոսը:
