ԵՐԵՎԱՆ, 14 հունիսի — Sputnik. Եղվարդի 30-ամյա բնակիչը ոտքի հրազենային վնասվածքով տեղափոխվել է Երևանի Միքայելյանի անվան բժշկական կենտրոն։
Sputnik Արմենիայի տվյալներով` երեկ` հունիսի 13–ին տղամարդը ցանկացել է հրացանով տան կողքով անցնող ջրատարում առնետ սատկացնել։ Ըստ Եղվարդում շրջանառվող որոշ լուրերի՝ նա որսորդմիության անդամ է, և իր անվամբ գրանցված որսորդական հրացան ունի։
Հրազենը լիցքավորելիս նա պատահաբար կրակել է իր ոտքին ու տեղափոխվել հիվանդանոց։ Նախնական վարկածով՝ տղամարդու վնասվածքը անփութության հետևանք է։
