ԵՐԵՎԱՆ, 13 հունիսի – Sputnik. Երևանում սարսափելի դեպք է տեղի ունեցել: Վաղ առավոտյան` ժամը 04։00-ի սահմանում Տերյան փողոցով անցնողներից մեկը նկատել է, որ ծաղկի սրահի հարևանությամբ ծառից կախված երիտասարդի դի կա և անմիջապես տեղեկացրել է իրավապահներին:
Պարզվել է, որ ինքնասպանություն գործած երիտասարդը 19 տարեկան էր, ապրում էր Նոր Նորք վարչական շրջանում: Նա շուրջօրյա գործող ծաղկի սրահում աշխատում էր որպես վաճառող:
Աբովյանում 86-ամյա կինը ժավել է խմել՝ փորձելով ինքնասպան լինել
Երիտասարդի կյանքի պատմությունն իսկական ողբերգություն է հիշեցնում:
Ըստ որոշ տեղեկությունների՝ երիտասարդը տարիներ առաջ կորցրել է ծնողներին, իսկ նախորդ տարի էլ՝ եղբորը, որը նույնպես ինքնասպան է եղել:
Իրավապահները պարզում են նրա ինքնասպանության հանգամանքները:
