ԵՐԵՎԱՆ, 12 Հունիս — Sputnik. Արդարադատության նախարարության գլխավոր քարտուղարն ազատվել է աշխատանքից։ Այս մասին տեղեկանում ենք ՀՀ վարչապետ կառավարության պաշտոնական էջից։
«Ղեկավարվելով «Քաղաքացիական ծառայության մասին» Հայաստանի Հանրապետության օրենքի 16-րդ հոդվածի 1-ին մասով և 37-րդ հոդվածի 1-ին մասի 1-ին կետով՝ Նունե Խաչատրյանին ազատել արդարադատության նախարարության գլխավոր քարտուղարի պաշտոնից»,–նշված է վարչապետի որոշման մեջ։
Ի դեպ, Նունե Խաչատրյանը 2002-ից մինչև 2013 զբաղեցրել է արդարադատության նախարարության աշխատակազմի ղեկավարի պաշտոնը, իսկ Դավիթ Հարությունյանի՝ կառավարության աշխատակազմի ղեկավար-նախարար աշխատած շրջանում եղել նրա տեղակալը։
Նունե Խաչատրյանն արդարադատության նախարարության գլխավոր քարտուղարի պաշտոնում է 2017–ի օգոստոսի 31–ից։
