ԵՐԵՎԱՆ, 12 հունիսի — Sputnik. Քիչ առաջ ոստիկանության ծառայողները կապ են հաստատել Մայակովսկի գյուղում ապրող և անհետ կորած համարվող աղջկա հետ ու գտել նրան։
Նախնական տվյալներով աղջիկը եղել է իր սիրած 18-ամյա տղայի հետ։ Նրանք ժամանակն անցկացրել են տղայի ընկերոջ տանը՝ Արտաշատում։
Նախքան Արտաշատ գնալը աղջիկը մոտի իրերը թողել է Երևանում ապրող ընկերուհու մոտ, որի հետ ծանոթացել է համացանցով։ Աղջիկն ու տղան իրար օրեր առաջ առաջին անգամ տեսել են Մայակովսկի գյուղում, երբ տղան եկել է գյուղում ապրող բարեկամին այցի։
Այս հանդիպումից հետո նրանք շփումը շարունակել են համացանցի միջոցով։
Մեր տեղեկություններով՝ երիտասարդը ընտանեկան խնդիրներ ունի, քանի որ ծնողներն ամուսնալուծված են։ Երեկ էլ՝ նրա ծննդյան տարեդարձն է եղել։
Ավելի վաղ Sputnik Արմենիան տեղեկացրել էր, որ Կոտայքի ոստիկանները որոնում են Մայակովսկի գյուղում ապրող 15-ամյա մի աղջկա:
