ԵՐԵՒԱՆ, 5 յունիսի — Sputnik. ՀՀ ԿԲ-ն քանի մը նոր գրաւագրութեան ծրագիր կը դիտարկէ: Այս մասին այսօր ԱԺ մշտական յանձնաժողովներու համատեղ նիստին «ՀՀ 2018 թ. պետական պիւտճէի կատարման մասին» տարեկան հաշուետուութեան ներկայացման ժամանակ յայտարարեց ՀՀ ԿԲ նախագահ Արթուր Ջաւադեան:
«Հիմա ատոնք կը շրջանառուին կառավարութեան մէջ: Վերջերս հասարակական հարցերու նախարարին հետ քննարկում եղաւ, որ մարզերուն մէջ երեխաներ ունեցող ընտանիքներու պետական նպաստներու չափն աւելցնենք: Հիմա ատիկա քննարկման փուլի մէջ է, բայց պիտի վերաբերի բոլոր գրաւագրութեան ծրագիրներուն` եւ՛ Ազգային գրաւագրութեան հիմնադրամի միջոցով տրամադրուող վարկերուն, եւ՛ երիտասարդ ընտանիքներուն, եւ՛ երիտասարդ մասնագէտներուն տրամադրուող վարկերուն»,- ըսաւ Ջաւադեան:
ԿԲ նախագահը նշեց, որ պետական նպաստներու չափը կը քննարկուի 0-1 տոկոսի տիրոյթին մէջ: Ատիկա պետութեան համար յաւելեալ շուրջ 20 մլն դրամի ծախս կ’ենթադրէ: Ծրագիրի նպատակը, ըստ Ջաւադեանի, ոչ թէ ծնելիութեան խթանումն է, այլ բազմազաւակ ընտանիքներուն հասարակական աջակցութիւնը:
Ինչո՞ւ կ’աճին անշարժ գոյքի գիները. բնակարանային խնդիրը Հայաստանի մէջ կրկին արդիական է
«Որքան շատ երեխաներ ունենան, այնքան աւելի մեծ չափով աջակցութիւն կը ստանան: Կախուած երեխաներու քանակէն, մարդիկ հնարաւորութիւն կ’ունենան աւելի քիչ տոկոսներ վճարելու»,- ըսաւ ԿԲ նախագահը:
2018-ին գրաւագրութեան վարկաւորման տոկոսադրոյքները 1.1 տոկոսով նուազած են: Ջաւադեան կը վստահեցնէ, որ նուազման միտումը կը շարունակուի նաեւ այս տարի:
