«Իրանի շուրջ իրադարձությունները բավականին սրընթաց են զարգանում,և դրա հիմքերը մի քանիսն են»,-փաստում է Ոսկանյանը։
Իրանագետը չի բացառում, որ ամերիկացիները և նրանց դաշնակիցները կարող են Իրանի հետ փոքր բախումներ հրահրել, իսկ դա, տնտեսական ճնշման հետ մեկտեղ, բազմաթիվ տհաճություններ է խոստանում տարածաշրջանի մյուս երկրների, այդ թվում Հայաստանի համար, որը բարեկամական հարաբերություններ է պահպանում մերձավոր հարևանի հետ։
«Անկախ իրավիճակի ապակայունացման վտանգից, Հայաստանի իշխանություններն իրենց չափազանց պասիվ են պահում և ավելի շատ զբաղված են ներքաղաքական «բանավեճերով»,–նկատում է Ոսկանյանը։
ԵՊՀ իրանագիտության ամբիոնի վարիչի խոսքով` հանրապետության իշխանությունները պետք է նախաձեռնող լինեն, աշխատեն ամերիկացիների և եվրոպացիների հետ, բացատրեն նրանց իրենց վիճակը: Հակառակ դեպքում, այսօրվա պասիվությունն ու անգործությունը կարող է հետագայում Հայաստանի համար թանկ արժենալ։
