ԵՐԵՎԱՆ, 31 մայիսի – Sputnik. Հայաստանի Հանրապետության նախագահ Արմեն Սարգսյանը մեկնել է երկօրյա արձակուրդ: Այս մասին տեղեկացնում է ՀՀ նախագահի աշխատակազմի հասարակայնության հետ կապերի վարչությունը։
Սարգսյանը չի աշխատի այսօր` մայիսի 31-ին, և երկուշաբթի` հունիսի 3-ին։
«ՀՀ նախագահն արձակուրդը կանցկացնի արտերկրում»,– Sputnik Արմենիային հայտնեցին նրա մամուլի ծառայությունից։
Սարգսյանը վերջին անգամ կարճատև արձակուրդ էր վերցրել անցած տարվա դեկտեմբերին։
Նշենք, որ արձակուրդ է վերցրել նաև ՀՀ վարչապետ Նիկոլ Փաշինյանը։
Նա արձակուրդ մեկնելու որոշումը ստորագրել է մայիսի 30-ին։
