ԵՐԵՎԱՆ, 29 մայիսի — Sputnik. Մեր տեղեկություններով ժամեր առաջ Շենգավիթ վարչական շրջանից Մուրացան բժշկական կենտրոն է տեղափոխվել 18-ամյա մի աղջիկ։
Բժիշկները պարզել են, որ աղջիկը քացախաթթու է խմել և անմիջապես միջոցներ են ձեռնարկել կյանքը փրկելու համար. բարեբախտաբար բժիշկների աշխատանքը արդյունք է տվել։
Նախնական վարկածի համաձայն աղջիկը քացախաթթու խմել է ինքնասպանություն գործելու նպատակով։
Ըստ շրջանառվող որոշ տեղեկությունների՝ աղջիկն այդ ծայրահեղ քայլին դիմել է, քանի որ ծնողները թույլ չեն տալիս շփվել իր սիրած տղայի հետ։
Այս ամենից ընկճված էլ նա փորձել է կյանքին վերջ տալ, ինչը բարեբախտաբար կանխվել է։
