Երևանը նույնպես միացավ «Արի պարի Քոչարի» համահայկական նախագիծ-ֆլեշմոբին: Հանրապետության հրապարակում մի խումբ երիտասարդներ ուս ուսի տված պարեցին հայկական ավանդական ամենասիրելի պարը՝ այդպիսով ընդարձակելով նաև նախագծի աշխարհագրությունը:
«Արի պարի Քոչարի» համահայկական նախագիծը մեկնարկել է 2018թ.-ի մայիսի 26-ին: Այն նվիրված էր Հայաստանի առաջին հանրապետության 100 և Էրեբունի-Երևանի 2800 -ամյակներին: Նախագծի հեղինակները որոշել են այն շարունակական դարձնել՝ այս տարվա ծրագիրը նվիրելով հայկական մշակույթի երկու մեծերի՝ Կոմիտասի և Հովհաննես Թումանյանի 150-ամյակին: «Պարի՛ր, նկարահանի՛ր և տեղադրի՛ր տեսագրությունը համացանցում՝ #aripariqochari2019 հեշթեգով: Զարմացրո՛ւ, հիացրո՛ւ, ապրեցրո՛ւ քո պարով». նախագծի հեղինակների կոչին արդեն իսկ միացել են ոչ միայն Հայաստանում, այլև հայաշատ այլ երկրներում: Մասնավորապես, համացանցում տարածվել են նաև Եգիպտոսում, Գերմանիայում, Բելգիայում, Շվեյցարիայում, Ֆրանսիայում, Ուզբեկստանում, Արգենտինայում, Ուրուգվայում և այլուր հայերի Քոչարին:
![«Արի պարի Քոչարիին» միացել է նաև Ուզբեկստանի հայ համայնքը «Արի պարի Քոչարիին» միացել է նաև Ուզբեկստանի հայ համայնքը - Sputnik Արմենիա](https://cdn.am.sputniknews.ru/img/1880/17/18801701_0:0:1000:628_600x0_80_0_0_62fa8c3d4abdf35a55a1592c5bffb990.jpg)
![«Արի պարի Քոչարիին» միացել է նաև Ուզբեկստանի հայ համայնքը «Արի պարի Քոչարիին» միացել է նաև Ուզբեկստանի հայ համայնքը - Sputnik Արմենիա](https://cdn.am.sputniknews.ru/img/1880/16/18801696_0:0:1000:628_600x0_80_0_0_7987b0a3d954bc7c258115fe4d7c02ed.jpg)
![«Արի պարի Քոչարիին» միացել է նաև Ուզբեկստանի հայ համայնքը «Արի պարի Քոչարիին» միացել է նաև Ուզբեկստանի հայ համայնքը - Sputnik Արմենիա](https://cdn.am.sputniknews.ru/img/1880/17/18801706_0:0:1001:628_600x0_80_0_0_6d17b259a97232b8338560e41e10e4d9.jpg)
![«Արի պարի Քոչարիին» միացել է նաև Ուզբեկստանի հայ համայնքը «Արի պարի Քոչարիին» միացել է նաև Ուզբեկստանի հայ համայնքը - Sputnik Արմենիա](https://cdn.am.sputniknews.ru/img/1880/17/18801711_0:0:1000:666_600x0_80_0_0_71ead748f8ba8f4c0897818533b79f57.jpg)
![«Արի պարի Քոչարիին» միացել է նաև Ուզբեկստանի հայ համայնքը «Արի պարի Քոչարիին» միացել է նաև Ուզբեկստանի հայ համայնքը - Sputnik Արմենիա](https://cdn.am.sputniknews.ru/img/1880/17/18801716_0:38:1000:666_600x0_80_0_0_a29c89b5d86c3c1e3cfb1f5ff0dc6014.jpg)
![«Արի պարի Քոչարիին» միացել է նաև Ուզբեկստանի հայ համայնքը «Արի պարի Քոչարիին» միացել է նաև Ուզբեկստանի հայ համայնքը - Sputnik Արմենիա](https://cdn.am.sputniknews.ru/img/1880/17/18801721_0:20:801:523_600x0_80_0_0_9d8a53fd59b02f97014b155808794a52.jpg)
«Մենք հավատարիմ ենք մնում մեր առաքելությանը՝ Քոչարիով համախմբել աշխարհի բոլոր հայերին: Այդ տարի մենք ընտրել ենք Կարնո Քոչարին՝ որպես գլխավոր պար: Քչերը գիտեն, որ Կոմիտասը նաև պարային երաժշտություն է գրել, դրանցից մեկը Շորորն է: Մենք առաջարկում ենք Կարնո Քոչարիից բացի նաև Կոմիտասի Շորորը պարել»,- հայտարարել են կազմակերպիչները:
Այդպիսով, մայիսի 25-ին աշխարհի տարբեր անկյուններում հայերը ևս մեկ անգամ միավորվեցին, այս անգամ` Քոչարի պարելու համար: