ԵՐԵՎԱՆ, 24 մայիսի — Sputnik. Մայիսի 28-ին Գաբրիել Սունդուկյանի անվան ազգային ակադեմիական թատրոնում տեղի կունենա Երևանի մանկապատանեկան ստեղծագործության քաղաքային կենտրոնի և Նաիրա Գուրջինյանի «JAZZEL» ստուդիայի սաների «Խոստովանում ենք» երաժշտական բեմադրությունը՝ նվիրված Շառլ Ազնավուրի ծննդյան 95–ամյակին:
Համերգային ծրագրում ընդգրկված են Ազնավուրի աշխարհահռչակ ստեղծագործությունները: Համերգի վերջում կկայանա Շառլ Ազնավուրի հիշատակին նվիրված երգի պրեմիերա (երաժշտության հեղինակ՝ ՀՀ արվեստի վաստակավոր գործիչ Նաիրա Գուրջինյան, խոսք՝ Դոնարա Փայտարյանի):
Երաժշտական ներկայացման պատվավոր հյուրերի շարքում կլինի Շառլ Ազնավուրին որդին՝ Նիկոլա Ազնավուրը, տիկնոջ հետ:
Համերգը տեղի կունենա Գաբրիել Սունդուկյանի անվան ազգային ակադեմիական թատրոնում, ժամը 19:00-ին:
