ԵՐԵՎԱՆ, 24 մայիսի — Sputnik. Լոնդոնյան «Արսենալի» երկրպագուները թրոլինգի են ենթարկել ամերիկահայ հեռուստաաստղ Քիմ Քարդաշյանին։
Ամենահայտնի հայուհուն մեղադրել են, որ չի պաշտպանել «Արսենալի» կիսապաշտպան Հենրիխ Մխիթարյանին։ Երկրպագուների կարծիքով` Քարդաշյանը պետք է ուղերձ հղեր ու ավելի լայն արձագանք տար Բաքվի հետ կապված սկանդալին։
Ավելի վաղ լոնդոնյան «Արսենալը» քննադատել էր ՈւԵՖԱ–ին Եվրոպայի լիգայի եզրափակիչը Բաքվում անցկացնելու համար։ Մայիսի 21–ին ֆուտբոլային ակումբը հայտարարել էր, որ ակումբի կիսապաշտպան, Հայաստանի հավաքականի ավագ Հենրիխ Մխիթարյանը Բաքու չի մեկնի։ Զինագործները մտավախություն ունեն, որ Մխիթարյանը կարող է Ադրբեջան մուտք գործելու հետ կապված խնդիրներ ունենալ, քանի որ ՀՀ քաղաքացիներն ու այլ երկրների` հայկական ազգանուններ ունեցող քաղաքացիները նախկինում արդեն բախվել են նման դժվարությունների։ Մխիթարյանն արդեն երկու անգամ բաց է թողել Եվրոպայի գավաթի խաղերը ադրբեջանական թիմերի հետ։
Ի՞նչ կլիներ, եթե Մխիթարյանը մեկներ Բաքու. Հենոն ճիշտ որոշում է կայացրել
Երկրպագուները մեղադրել են հեռուստաաստղին, որ Քարդաշյանն օգտագործում է իր հայկական ծագման թեման, երբ ձեռնտու է (օրինակ` լեգենդար Շերի հետ հանդիպելու համար) կամ ապրիլի 24–ին, երբ նա Ցեղասպանության մասին հրապարակումներ է անում։
Armenian when it’s convenient, yet silent on the issue of Mkhitaryan playing in the Europa League final?
— Walid Arsenal (@1Walid1) 21 мая 2019 г.
You’re a disgrace to your federation. https://t.co/TdAej1Bbbt
Ոմանք նույնիսկ առաջարկել են Քիմին օգտագործել ամուսնուն` հայտնի ռեփեր Քանյե Ուեսթին, որն իր հերթին կարող է ուղղակիորեն դիմել նախագահ Դոնալդ Թրամփին։
Kim Kardashian involved in the Mkhitaryan row with Azerbaijan = Kanye involved = Trump involved
— Sam Street (@samstreetwrites) 22 мая 2019 г.
Make Armenia Great Again!https://t.co/xWhhqSfhq6
Twitter-ում հրապարակված ամենածիծաղելի առաջարկը սա է. «Եկեք պահանջագիր ներկայացնենք, որ Քարդաշյանների ամբողջ ընտանիքը մեկնի Բաքու, գնի մնացած բոլոր տոմսերն ու երկրպագի Հենրիխին։ Թող բոլոր ցանկացողներին էլ Հենոյի անունով շապիկներ բաժանեն»։
Քարդաշյան ընտանիքի ներկայացուցիչները դեռ չեն արձագանքել այս թեմային։
