ԵՐԵՎԱՆ, 24 մայիսի – Sputnik. Աշխարհահռչակ Caviar ընկերությունը, որը հայտնի է սմարթֆոններ ձևափոխելով ու դրանք լյուքս դասի վերածելով, ներկայացրել է լրիվ նոր դիզայնով Galaxy Fold ծալվող սմարթֆոնը, որի արտաքին տեսքը գրքի կազմ է հիշեցնում:
Սերժ Թանկյանն իր հետքը թողեց «Game of Thrones» սերիալի պատմության մեջ. տեսանյութ
Galaxy Fold Game of Thrones Edition-ը նվիրված է աշխարհահռչակ գրող Ջորջ Մարտինի՝ իր հերթին սպասող «Ձմռան քամիներ» գրքին: Սմարթֆոնի վրա պատկերված է սերիալի ու գրքի լորդական տների զինանշանները, ինչպես նաև Յոթ թագավորությունների քարտեզը: Այս մասին հայտնում է Luxury Launches-ը:
Նախագծողների կարծիքով` այսպիսի ճոխ դիզայնով շրջանակը, որը պատված է ոսկով, համապատասխանում է Galaxy Fold-ի պես առանձնահատուկ սմարթֆոնին: Նրանք հայտնում են, որ այս սարքից թողարկվելու է ընդամենը 7 օրինակ, որոնք շուկայում են հայտնվելու սմարթֆոնի սովորական տարբերակի վաճառքին զուգահեռ: Այս սմարթֆոնն արժենալու է 8200 դոլար:
Հիշեցնենք` Ջորջ Մարտինն իր պաշտոնական բլոգում հայտարարել է, որ հանրահայտ սագայի նախավերջին գիրքն ավարտելու է 2020թ. օգոստոսին:
