ԵՐԵՎԱՆ, 21 մայիսի — Sputnik. «ՉԵ!» հեռուստաալիքի «Վտանգավոր կապեր» (Опасные связи) ռեալիթի–շոուի հաղորդավար Կարեն Քոչարյանին ծեծել են։ Նրան հիվանդանոց են տեղափոխվել։ Այս մասին հայտնում է Дни.ру պարբերականը։
Միջադեպը տեղի է սնեցել «Վտանգավոր կապեր» հաղորդման հերթական հետաքննության ավարտից հետո։
«Նկարահանման խումբը հեռացել էր հարթակից, իսկ Կարեն Քոչարյանը փողոցում շփվում էր հայտատու կնոջ հետ։Այդ պահին դավաճանության մեջ բռնված տղամարդը լինգը ձեռքին դուրս էր եկել տնից ու պահանջել իրեն տալ թաքնված տեսախցիկի ձայնագրությունը», – նշվում է նյութում։
Տեսնելով, որ օպերատորներն արդեն գնացել են` նա հարձակվել է Կարենի վրա։ Հաղորդավարը փորձել է հանգստացնել զայրացած տղամարդուն, բայց լինգով լուրջ հարված է ստացել։ Պարբերականի փոխանցմամբ` այդ հարվածի հետևանքով կոտրվել է Քոչարյանի ճաճանչոսկրը։
«Ինչպես հայտնի է` հերոսների վերջը վատ է լինում, ես դեռ լավ եմ պրծել։ Հասկանում եմ` ինչ է կատարվում մարդկանց հետ նման իրավիճակում, բայց դա չէ ամենասարսափելին։ Լինգը կարող էր ցանկացած մեկի գլխին տալ, ու դա կլիներ ամենատխուրը։ Բայց ամեն ինչ լավ ավարտվեց, փառք Աստծո», – ասել է Քոչարյանը։
Նա նշել է, ոչ միջադեպը ոչ մի կերպ չի ազդի նրա մասնագիտական գործունեության վրա։
2019 թվականից Կարեն Քոչարյանը վարում է «Վտանգավոր կապեր» ռեալիթի–շոուն։
