ԵՐԵՎԱՆ, 20 մայիսի — Sputnik. Հայաստանում աճում է հետաքրքրությունը նորարական այգիների նկատմամբ։ Այսօր լրագրողների հետ զրույցում այս մասին ասաց ՀՀ գյուղատնտեսության փոխնախարար Գառնիկ Պետրոսյանը։
10 մայիսի 2019, 14:53
«Ինտենսիվ այգիներ հիմնելու, կաթիլային համակարգերի և կարկտապաշտպան ցանցերի ներդրման ծրագրերում այս տարի փոփոխություններ են կատարվել։ Ծրագրերը մեկնարկել են նախորդ տարի, այս տարի մենք փոխել ենք մոտեցումները, և դրանք, մեր կարծիքով, գյուղացիական տնտեսությունների համար դարձրել ենք առավել մատչելի և հասանելի», – ասաց Պետրոսյանը։
Մասնավորապես, դրանց գնման վարկը կարելի է վերցնել ընդամենը 2 տոկոսով` 8 տարով, 5 տարի արտոնյալ ժամկետով։
Այսպիսով, եթե 2018թ–ին կաթիլային ոռոգմամբ ապահովվել է 146 հա տարածք, ապա 2019թ–ի մոտ հինգ ամիսների ընթացքում` արդեն 112։
