ԵՐԵՎԱՆ, 19 մայիսի — Sputnik. ՀՀ վարչապետ Նիկոլ Փաշինյանը հայտարարել է, որ վաղն առավոտից պետք է արգելափակել հանրապետության՝ առանց բացառության բոլոր դատարանների ելքերն ու մուտքերը։ Այս մասին Փաշինյանը գրել է Facebook սոցիալական կայքի իր էջում։
«Առավոտյան ժամը 08.30-ից արգելափակում ենք հանրապետության՝ առանց բացառության բոլոր դատարանների ելքերն ու մուտքերը` այնպես, որ ոչ ոք ներս չմտնի»,–գրել է նա։
Նա հայտնել է նաև, որ վաղը՝ մայիսի 20-ին, ժամը 12։00-ին ուղիղ եթերով հանդես կգա ելույթով։
Հիշեցնենք, որ ժամեր առաջ էլ նա կրկին գրառում էր արել` ասելով, որ վաղը ժամը 12.00-ին կհայտարարեմ Հայկական հեղափոխության՝ երկրորդ, ամենակարևոր փուլի մեկնարկը:
