ԵՐԵՎԱՆ, 19 մայիսի — Sputnik. Ալ. Սպենդիարյանի անվան օպերայի և բալետի ազգային ակադեմիական թատրոնի աշխատակիցներն այս պահին թատրոնի բակում են։ Այս մասին Sputnik Արմենիայի հետ զրույցում ասաց թատրոնի տնօրենի ժամանակավոր պաշտոնակատար Կարինե Կիրակոսյանը։
Թարմացում. Ալ. Սպենդիարյանի անվան օպերայի և բալետի ազգային ակադեմիական թատրոնը պատրաստ է երեկոյան ընդունել հանդիսատեսին
Նշենք, որ ԱԻՆ–ն այսօր 13:03-ին ահազանգ էր ստացել, որ օպերայի թատրոնի շենքում ռումբ է տեղադրված։
«Սպասողական վիճակ է մեզ մոտ, քանի որ դեռ հստակ չէ` ահազանգ իրակա՞ն է, թե՞ ոչ։ Այս պահին ԱԻՆ–ի աշխատակիցները որոնողական աշխատանքներ են կատարում ամբողջ շենքում` ոչ միայն օպերայի թատրոնի տարածքում», – ասաց նա։
Հիշեցնենք, որ դեպքի վայր են մեկնել ԱԻՆ հրշեջ-փրկարարական ջոկատից մեկ մարտական հաշվարկ, հատուկ նշանակության փրկարարական աշխատանքների իրականացման կենտրոնի փրկարարական ջոկատը, կինոլոգիական խումբը։
