ԵՐԵՎԱՆ, 17 մայիսի – Sputnik. RT–ի և Sputnik–ի գլխավոր խմբագիր Մարգարիտա Սիմոնյանը Instagarm–ի իր էջում մի տեսանյութ է հրապարակել, որում երևում է, թե ինչպես է դուստրը չինարեն խոսում։
«Մարյաշան ռեալիստ է, այդ պատճառով էլ չինարեն է սովորում»,– տեսանյութին կից գրել է Սիմոնյանը։
Հաղորդավարուհու էջի բաժանորդները գովել են փոքրիկին։
«Չինարեն սովորում են լավատեսները, հոռետեսներն անգլերեն են սովորում, իսկ իրատեսները` «Կալաշնիկովի» լեզուն»,–կատակել է alex.wett–ը։
«Խելացի բալիկ, ինչպես է նրա փոքրիկ գլխում այսքան բան տեղավորվում»,– գրել է elenaapresovna.petrosyan–ը։
Մարգարիտա Սիմոնյանն ավելի վաղ տեսանյութ է հրապարակել, որում նրա հինգ տարեկան դուստր Մարյաշան շուտասելուկներ էր ասում տարբեր լեզուներով։
RT–ի գլխավոր խմբագիրը նաև մեկ այլ տեսանյութ էր հրապարակել, որում նրա երեխաները հայերեն էին խոսում։
