Գործարար Կարեն Խաչիկյանը ողջունում է վարչապետ Փաշինյանի այցը Չինաստան և կարծում է, որ օրենսդրական դաշտի փոփոխությունները հնարավորություն կտան ավելի դյուրին դարձնել երկու երկրների միջև ապրանքաշրջանառությունը։
«Ցավոք, չենք օգտագործում հայ-չինական առևտրատնտեսական հարաբերությունների ամբողջ պոտենցիալը»,-փաստում է Խաչիկյանը։
Գործարարը փաստում է, որ Չինաստանն այսօր արտահանման ծավալներով աշխարհում առաջին տեղն է զբաղեցնում, և, ըստ նրա՝ մեծ սխալ կլինի չօգտվել այդ հնարավորությունից։
«Չինական շուկան այսօր ունի բարձրորակ ապրանքների կարիք, որոնք կարող են մատակարարվել Հայաստանից»,-ընդգծում է Խաչիկյանը։
Նա հոմազված է, որ Չինաստանի հետ ԵԱՏՄ-ի շրջանակում ազատ առևտրի գոտու համաձայնագրի կնքումը ևս կնպաստի հայաստանյան տնտեսության զարգացմանը։
Մայիսի 14-ից 16-ն աշխատանքային այցով Չինաստանում գտնվող վարչապետ Նիկոլ Փաշինյանը կարծիք է հայտնել, որ իր այցը Չինաստան նոր խթան կհաղորդի հայ–չինական հարաբերություններին։
