ԵՐԵՎԱՆ, 14 մայիսի — Sputnik. Արդեն մի քանի ժամ է հարազատներն ու ընտանիքի անդամները որոնում են Շիրակի մարզի Փոքր Մանթաշ գյուղում ապրող 21-ամյա մի աղջկա:
Ըստ գյուղում շրջանառվող որոշ տեղեկությունների՝ նա գիշերը, դեռ լույսը չբացված, տնից դուրս է եկել ու հեռացել անհայտ ուղղությամբ: Ամուսինն ու ընտանիքի մյուս անդամները, մի քանի ժամ ապարդյուն որոնելուց հետո, աղջկա անհետացման մասին տեղեկացրել են Շիրակի մարզի ոստիկաններին: Այժմ համատեղ միջոցառումներ են ձեռնարկվում նրա գտնվելու վայրը պարզելու ուղղությամբ:
Մեր տեղեկություններով՝ աղջիկը փախել է իր երկրորդ ամուսնու տնից:
Վերջինս այլ կնոջից երեխա ունի, որը գտնվում է իր և երկրորդ կնոջ խնամքի ներքո:
