ԵՐԵՎԱՆ, 14 մայիսի — Sputnik. Հաղորդավար և շոումեն Մաքսիմ Գալկինը Instagram–ում գրել է իր աստղային կնոջ` Ալլա Պուգաչովայի հետ ծանոթության պատմությունը։
Գալկինը նաև մի լուսանկար է հրապարակել, որում Պուգաչովան երգում է ընկերների համար, իսկ Գալկինը կանգնած է նրա հետևում։
«Ծանոթացել ենք 18 տարի առաջ պարի ընթացքում. այդպես էլ պարում ենք մինչև հիմա», – գրել է Մաքսիմը։
Посмотреть эту публикацию в InstagramПознакомились 18 лет назад в танце - так и танцуем до сих пор 💃🕺🏻
Գալկինի բաժանորդներին դուր է եկել գրառումը։
«Հնարավորինս երկար պարեք։ Ձեր պարը հիանալի է, ճակատագիրը նման բան է նվիրում ընտրյալներին», «Չեմ դադարում հավատալ, որ սեր գոյություն ունի` անկեղծ և հավատարիմ», – գրել են երկրպագուները։
Հիշեցնենք, որ Ալլա Պուգաչովան և Մաքսիմ Գալկինը ծանոթացել են 2001թ–ին, իսկ 2011թ–ին պաշտոնապես օրինականացրել են իրենց հարաբերությունները։ 2013թ–ի սեպտեմբերին ծնվել են աստղային զույգի երկվորյակները` Լիզան և Գարին։
