ԵՐԵՎԱՆ, 13 մայիսի — Sputnik. Հայաստանի վարչապետ Նիկոլ Փաշինյանը հանդիպեց Լյուքսեմբուրգի վարչապետ Քսավյե Բեթելի հետ։ Այս մասին հայտնում է Sputnik Արմենիայի թղթակիցը Լույքսեմբուրգից։
Լուսանկարվելու ընթացքում Քսավյե Բեթելը հարցրեց Փաշինյանին` ինչպես հայերեն «շնորհակալություն» ասել։ Բեթելն ուզում էր արտասանել այդ բարդ բառը, բայց մի երկու անհաջող փորձից հետո կիսատ արտաբերեց այն։ Երախտագիտական խոսքեր փոխանակելուց հետո քաղական գործիչներն անցան բանակցություններին։
Նշենք, որ քիչ առաջ Լյուքսեմբուրգում կայացել է ՀՀ վարչապետ Նիկոլ Փաշինյանի պաշտոնական հանդիպումը Լյուքսեմբուրգի վարչապետ Քսավյե Բեթելի հետ։
Հիշեցնենք, որ Նիկոլ Փաշինյանը` տիկնոջ՝ Աննա Հակոբյանի հետ մայիսի 12-13-ին աշխատանքային այցով մեկնել է Լյուքսեմբուրգի Մեծ Դքսություն և Բրյուսել։
Նշենք, որ վարչապետի պատվիրակության կազմում են ՀՀ արտաքին գործերի նախարար Զոհրաբ Մնացականյանը, վարչապետի գլխավոր խորհրդական Արսեն Գասպարյանը, վարչապետի օգնական Հրաչյա Թաշչյանը։
