ԵՐԵՎԱՆ, 13 մայիսի — Sputnik. ՀՀ արտաքին գործերի նախարար Զոհրաբ Մնացականյանը կարևորել է Եվրոպական միության շարունակական աջակցությունն Արցախի ժողովրդի ինքնորոշման իրավունքի հարցում: Այս մասին Արևելյան գործընկերության տասնամյակին նվիրված ԱԳ նախարարների հանդիպման ժամանակ իր ելույթում ասել է Մնացականյանը։
«Մնացականյանը կարևորել է նաև ԵՄ աջակցությունը` ԵԱՀԿ Մինսկի խմբի համանախագահության շրջանակներում հակամարտության խաղաղ կարգավորման գործընթացում։ Ընդգծվել է, որ այս սկզբունքները և դիրքորոշումները վերահաստատվել են Հայաստանի և Եվրամիության միջև ստորագրված Համապարփակ և ընդլայնված գործընկերության համաձայնագրում»,–նշված է ԱԳՆ–ի հաղորդագրության մեջ։
Նախարարն ասել է նաև, որ Հայաստանը հանձնառու է ամրապնդել հարաբերությունները ԵՄ-ի հետ։
Հիշեցնենք, որ մայիսի 13-14-ն ԱԳ նախարար Զոհրաբ Մնացականյանը վարչապետ Նիկոլ Փաշինյանի գլխավորած պատվիրակության կազմում աշխատանքային այցով Բրյուսել է:
