ԵՐԵՎԱՆ, 11 մայիսի – Sputnik. Կանադայի Տորոնտո քաղաքի Փիրսոն օդանավակայանում Air Canada Jazz ուղևորատար օդանավի մեջ է մխրճվել բենզատարը։
CBC News –ի փոխանցմամբ` տուժել են 5 մարդ։
Դեպքը տեղի է ունեցել մայիսի 10-ին ժամը 1:36 (Երևանի ժամանակով` 9:36)։ Տորոնտոյից Սադբերի ուղևորվող ինքնաթիռն օդանավակայան է վերադարձել եղանակային վատ պայմանների պատճառով։ 5 տուժածներից 3-ը բախումից հետո հիվանդանոց են տեղափոխվել։ Միջադեպի մեղավոր են համարում բենզատարի վարորդին։
Նշվում է,որ ուղևորատար ինքնաթիռում եղել են 51 մարդ։ Ոստիկանությունը բենզատարի վարորդին մեղադրել է «վտանգավոր կառավարման մեջ»։
