ԵՐԵՎԱՆ, 11 մայիսի – Sputnik. Դիմահարդարման վարպետ Գոհար Ավետիսյանի Մարգարիտա տատն այսօր եկել էր թոռան վարպետության դասին, որը կազմակերպվել էր բաց երկնքի տակ` Հյուսիսային պողոտայում։
Ավետիսյանին տեսնելու և նրա մոդելը դառնալու ցանկությամբ եկածների թիվը հասնում էր 2 հազարի։ Հաջողակ դարձավ Սոչիում ծնված 15–ամյա Աննան։ Աղջիկը վաղուց էր երազում տեսնել Գոհարին, սակայն նույնիսկ ենթադրել չէր կարող, որ նրա մոդելը կդառնա Երևանում։
![Գահոր Ավետիսյանը Հյուսիսային պողոտայում Գահոր Ավետիսյանը Հյուսիսային պողոտայում - Sputnik Արմենիա](https://cdn.am.sputniknews.ru/img/1853/86/18538687_0:16:1600:1021_600x0_80_0_0_cd97d5e12d8e252a4ba1de6d160306d6.jpg)
![Գահոր Ավետիսյանը Հյուսիսային պողոտայում Գահոր Ավետիսյանը Հյուսիսային պողոտայում - Sputnik Արմենիա](https://cdn.am.sputniknews.ru/img/1853/82/18538205_0:0:1600:1006_600x0_80_0_0_83b343249f195bb5550261473721a5e9.jpg)
![Գահոր Ավետիսյանը Հյուսիսային պողոտայում Գահոր Ավետիսյանը Հյուսիսային պողոտայում - Sputnik Արմենիա](https://cdn.am.sputniknews.ru/img/1853/86/18538614_0:0:1601:1006_600x0_80_0_0_0ef47a38d7956e05447a4903449c6a64.jpg)
![Գահոր Ավետիսյանը Հյուսիսային պողոտայում Գահոր Ավետիսյանը Հյուսիսային պողոտայում - Sputnik Արմենիա](https://cdn.am.sputniknews.ru/img/1853/86/18538652_0:0:1600:1006_600x0_80_0_0_5b59d3afaeb8742494030d34dc461955.jpg)
Վարպետության դասի ժամանակ Գոհարը բոլորի ներկայությամբ դիմեց տատիկին, որը հանդիսատեսի շարքերում էր։
«Մարգարիտ տատի, էստեղ եմ` բեմում։ Ո՞նց ես», – հարցրեց Ավետիսյանը։
![Տատ, խայտառակ մի արա. Գոհար Ավետիսյանի տատն ու վարպետի դասը Երևանի կենտրոնում. լուսանկար Տատ, խայտառակ մի արա. Գոհար Ավետիսյանի տատն ու վարպետի դասը Երևանի կենտրոնում. լուսանկար - Sputnik Արմենիա](https://cdn.am.sputniknews.ru/img/1853/80/18538043_0:0:1600:1067_600x0_80_0_0_efa1dcd472825d189b791af5dcba41ff.jpg)
Հաղորդավարը տարեց կնոջը բեմ հրավիրեց, որպեսզի հավաքվածները ծանոթանան նրա հետ։ Տատիկն էլ ելույթ ունեցավ ու խոստովանեց, որ երջանիկ է այսպիսի թոռ ունենալու համար, որին ճանաչում է ամբողջ աշխարհը։ Հետո ավելացրեց` ամեն տատիկ չի կարող է պարծենալ դրանով։
«Տատ, խայտառակում ես ինձ», –շփոթված ասաց Ավետիսյանը։
Սակայն դա չկանգնեցրեց տատիկին, նա շարունակեց գովաբանել Գոհարին և ասաց, որ շատ է սիրում թոռանը և կյանքը կտա նրա համար։
«Ես էլ եմ քեզ սիրում, տատի», – ասաց Ավետիսյանը։
Դիմահարդարման վարպետի դասընթացը, որը մոտ երկու ժամ տևեց, ուղեկցվեց երգելու և պարելու մրցութային ծրագրերով։
Ավետիսյանը ծնունդով մարտունեցի է, նրա ընտանիքը Մոսկվա է տեղափոխվել, երբ Գոհարը մեկ տարեկան է եղել։ Նրա համար Մոսկվան արդեն հարազատ է դարձել, բայց Հայաստանի հետ կապը չի խզում։ Գոհարը համոզված է, որ հայի աչքերն ամենագեղեցիկն են աշխարհում։