ԵՐԵՎԱՆ, 8 մայիսի — Sputnik. Այսօր՝ մայիսի 8-ին, ողբերգական դեպք է տեղի ունեցել Սևան քաղաքում:
Քաղաքի Սյունյաց փողոցի ավտոտնակներից մեկում տղամարդու դի է հայտնաբերվել: 75-ամյա տղամարդը ինքնասպանություն է գործել՝ պարանով ավտոտնակի առաստաղից կախվելով:
Նա ապրում է ընտանիքի հետ: Տնեցիները ժամը 14-ի սահմաններում նկատել են, որ տղամարդը չկա: Կինն իջել է ավտոտնակ ու տեսել, որ ամուսինը կախվել է:
Ահազանգել են շտապօգնություն. ժամանած խումբն արձանագրել է, որ տղամարդը մահացել է:
Շտապօգնության ենթակայանից տեղեկությունը փոխանցվել է տեղի իրավապահներին, որոնք էլ պարզում են ինքնասպանության պատճառները:
