Անափիոսյանն անդրադարձել է նաև Հայաստան-ԵՄ կրթության երկխոսության, 12-ամյա կրթության անհրաժեշտության, կրթական նյարդագիտության ու ոլորտին առնչվող այլ հարցերի մասին։
«ՅՈՒՆԻՍԵՖ-ի սահմանած չափորոշիչների առումով մենք դեռ շատ անելիք ունենք հանրակրթության ոլորտ բարեփոխելու համար»,- ասում է Կրթության ու գիտության նախարարի տեղակալ Արևիկ Անափիոսյանը։
Փոխնախարարի խոսքով` վստահաբար կան ուսուցիչներ, որոնք շատ լավ տիրապետում են ոլորտի բովանդակությանը, սակայն խնդիր ունեն՝ կապված մեթոդաբանության հետ։ Կա նաև հակառակ երևույթը, երբ ուսուցիչը շատ լավ տիրապետում է ակտիվ դասավանդման մեթոդաբանությանը, որը, ի դեպ, քննական մտածողություն զարգացնելու կարևորագույն հենասյունն է, իրականում այդքան խորությամբ չեն տիրապետում բովանդակությանը։
Ինչ վերաբերում է 12-ամյա կրթությունից 10-ամյա կրթության անցնելու հնարավորության հարցին, ապա փոխնախարարը բացատրում է, որ 12-ամյա կրթական համակարգն ունի իր պատճառաբանված անհրաժեշտությունը։
