ԵՐԵՎԱՆ, 29 ապրիլի – Sputnik. Ժամեր առաջ «Սուրբ Գրիգոր Լուսավորիչ» բժշկական կենտրոն է տեղափոխվել Երևանում ապրող մի կին:
Բուժհաստատությունում պարզվել է, որ նրա ձեռքերից մեկը կոտրված է եղել: Կինը բժիշկներից մեկին ասել է, որ ընկել է: Նախնական վարկածով՝ նա ստել է. իրավապահները պարզել են, որ օրեր առաջ ընկերը նրան ծեծել է, ինչի հետևանքով էլ ձեռքը կոտրվել է:
Ամենայն հավանականությամբ, տնային պայմաններում ապարդյուն բուժում ստանալուց հետո կինը որոշել է դիմել բժիշկների օգնությանը:
