ԵՐԵՎԱՆ, 29 ապրիլի — Sputnik. Տավուշի Ոսկեպար-Բաղանիս միջպետական ճանապարհահատվածի ուղղությամբ այսօր` ապրիլի 29–ին, ադրբեջանական կողմը կրակ է բացել։
Այս լուրը Sputnik Արմենիայի հետ զրույցում հաստատեց Բաղանիսի գյուղապետ Նարեկ Սահակյանը։
16 սեպտեմբերի 2018, 22:39
«Կրակոցները գրանցվել են ժամը 13։00–14։00–ի շրջակայքում, տևել են մոտ 40 րոպե։ Դրանք գյուղի ուղղությամբ չեն եղել, այլ Իջևանի կողմից մինչև գյուղ հասնող միջպետական ճանապարհի։ Վնասներ չենք կրել։ Հիմա վիճակը հանգիստ է, գյուղում խուճապ չկա»,–մեզ հետ զրույցում ասաց Սահակյանը։
Հիշեցնենք, որ վերջին անգամ Բաղանիսի ուղղությամբ ադրբեջանական կողմը կրակ էր բացել 2018 թ.-ի սեպտեմբերի 12-ին:
