ԵՐԵՎԱՆ, 28 ապրիլի –Sputnik. Երևանում այսօր Հայրենական Մեծ պատերազմում տարած հաղթանակին նվիրված միջոցառումների շրջանակում կայացավ «Գեորգիևյան ժապավեն» հայրենասիրական ակցիան։ Հայաստանում Գիտության և մշակույթի ռուսական կենտրոնի (ԳՄՌԿ) աջակցությամբ միջոցառումը կազմակերպել էր է Հայ–ռուսական երիտասարդական միություն (ԵՀՌՄ)։
Ակցիան մեկնարկել էր Կասկադում ժամը 15:00–ին։ ԵՀՌՄ–ի ակտիվիստներն ու կամավորներն անցորդներին ժապավեններ ու թռուցիկներ բաժանեցին, որտեղ նկարագրված է Գեորգիևյան ժապավենի ստեղծման պատմությունն ու հակիրճ ներկայացված էր պատերազմի պատմությունը։ Ակտիվիստների խումբը իջավ Ազատության, այնտեղից էլ Հանրապետության հրապարակ։
Նրանք առանձին խմբերով անցան մայրաքաղաքի կենտրոնական մի շարք փողոցներով, այնուհետև շարժվեցին դեպի Ռուսաստանի դեսպանատուն։ Ակցիան ավարտվեց լեգենդար օդաչու, ԽՍՀՄ կրկնակի հերոս Նելսոն Ստեփանյանի արձանին ծաղիկներ դնելու արարողությամբ։
Միջոցառումն անցկացվեց «Պապիս հաղթանակն իմ հաղթանակն է», «Կապիր, եթե հիշում ես», «Հիշում եմ, հպարտանում եմ», «Մենք Մեծ հաղթանակի ժառանգներն ենք», «Շնորհակալ եմ պապիս հաղթանակի համար» կարգախոսներով։
ԵՀՌՄ ղեկավար Ռաֆայել Պողոսյանի խոսքով` կազմակերպիչների համար շատ կարևոր է Հայաստանի ակտիվ երիտասարդությանը ներգրավել Մեծ Հաղթանակի տոնակատարությանը նվիրված միջոցառումներին։ Այդպիսով ևս մեկ քայլ է ձեռնարկվում այն տարիների իրադարձությունների մասին պատմական ճշգրիտ հիշողությունը պահպանելու և պատմությունը կեղծելու հնարավորություն չտալու համար։
«Գեորգիևյան ժապավեն» հայրենասիրական ակցիան երկրորդ միջոցառումն էր` պատմական իրադարձությունները կեղծելու փորձերին հակազդելու համար ամենամյա զանգվածային միջոցառումների շրջանակում։ Առաջինը ապրիլի 26-ին կայացած Հայրենական մեծ պատերազմի պատմությանը վերաբերող թեստն էր։ Մենք պետք է հիշենք այդ դաժան դասը և թույլ չտանք, որպեսզի իրավիճակը կրկնվի ապագայում», – նշեց ԵՀՌՄ նախագահ Ռաֆայել Պողոսյանը։
Նշենք, որ «Գեորգիևյան ժապավեն» ակցիայի մեկնարկն 2016 թվականից Հայաստանում ավանդաբար տալիս է Հայ–ռուսական երիտասարդական միությունը։ Այսօր ակցիայի մասնակիցներն ավելի քան հազար ժապավեն են բաժանել։
Միջոցառումների շրջանակում «Պատմական հիշողություն Հայրենական Մեծ պատերազմի մասին և սերունդների ժառանգականությունը» թեմայով տեսակամուրջ կանցկացվի Դոնի Ռոստովի երիտասարդության հետ։ Ինչպես ավելի վաղ նշել էր ԳՄՌԿ–ի երիտասարդական և միջտարածաշրջանային համագործակցության բաժնի պետ Սոսե Մարտիրոսյանը , մայիսի 7-ին կկազմակերպվի նաև կլոր սեղան` նվիրված ԽՍՀՄ նավատորմի ծովակալ Իսակովի 125-ամյակին։
Հիշեցնենք, որ ակցիան 2005 թվականին կազմակերպել էին «Նովոստի» ռուսական տեղեկատվական գործակալության լրագրողները։ Նախաձեռնությանն աջակցեց են ՌԴ կառավարությունն և «Ուսանողական համայնք» ՀԿ–ն։ Այսօր ակցիան անցկացվում է աշխարհի ավելի քան 90 երկրում և Ռուսաստանի բոլոր շրջաններում «Հաղթանակի կամավորների» ուժերով` Ռոսպատրիոտցենտրի համակարգմամբ և «Ռոսիա սեգոդնյա» ՄՏԳ–ի տեղեկատվական աջակցությամբ։
