ԵՐԵՎԱՆ, 26 ապրիլի - Sputnik. Հանրահայտ Google ընկերությունը նորամուծություն է արել իր որոնման դաշտում և «զինվել» է 2019 թվականի ամենասպասված ֆիլմերից մեկի` Marvel-ի հայտնի կինոաշխարհի եզրափակիչ էպիզոդի` «Վրիժառուներ. Վերջնախաղի» գլխավոր չարագործ Թանոսի անվերջության ձեռնոցով։
Վիրուսների խաղը. ո՞ր սերիալներում են թաքնված վարակիչ ծրագրերը
Ձեռնոցը հայտնվում է որոնման դաշտի տակ, երբ Google-ի միջոցով որոնում ենք «Thanos» բառը։
Հայտնված ձեռնոցին դիպչելուց հետո երևում է, թե ինչպես է ձեռքը մատներով ճտացնում, որից հետո էլ սկսում են անհետանալ հայտնված նորությունների մի մասը։
Այս տեսարանը հիշեցնում է ֆրանշիզի նախորդ էպիզոդի`« Վրիժառուներ. անվերջության պատերազմի» եզրափակիչ կադրերը, երբ Թանոսն ընդամենը մեկ ձեռքի հարվածով վերացրեց Marvel-ի աշխարհի սիրելի սուպերհերոսների մեծ մասին։
«Վրիժառուներ. խաղի վերջ» ֆիլմի նոր թրեյլերը հայտնվել է համացանցում. տեսանյութ
«Վրիժառուներ։ Վերջնախաղ» ֆիլմի պրեմիերան արդեն կայացել է որոշ երկրներում։
Հիշեցնենք, որ ֆիլմի պրեմիերան հայկական կինոթատրոններում նախատեսվում է 2019 թվականի ապրիլի 29-ին։
Forbes-ը ներկայացրել է աշխարհի ամենաբարձր վարձատրվող դերասանուհիներին
