ԵՐԵՎԱՆ, 21 ապրիլի — Sputnik. Հայաստանի Հանրապետության Արտաքին գործերի նախարարությունը ճշտում է Շրի Լանկայում տեղի ունեցած պայթյունի հետևանքով զոհերի և տուժածների շրջանում ՀՀ քաղաքացիների և ազգությամբ հայերի առկայության տեղեկատվությունը: Այս մասին տեղեկություն է տարածվել ՀՀ ԱԳՆ Twitter-ի միկրոբլոգում:
Հայեր և Հայաստանի քաղաքացիներ չկան. Հնդկաստանում ՀՀ դեսպանության պաշտոնական հաղորդագրությունը
ԱԳՆ-ն ճշտում է Շրի Լանկայում տեղի ունեցած պայթյունի հետևանքով զոհերի և տուժածների շրջանում ՀՀ քաղաքացիների և ազգությամբ հայերի առկայության տեղեկատվությունը: https://t.co/d2DpDhr6wk
— MFA of Armenia🇦🇲 (@MFAofArmenia) April 21, 2019
«Այս զանգվածային սպանությունն ու քաոսը խախտում են Հարության տոնի սիրո փառավոր խորհուրդը»,- իր հերթին Twitter-ում գրել է ՀՀ արտգործնախարար Զոհրաբ Մնացականյանը: Նա աջակցություն է հայտնել Շրի Լանկայի ժողովրդին և երկրի իշխանություններին:
These mass murders and chaos are the very violation of the message of Love on the Glorious Day of Resurrection of #JesusChrist. Our faith and solidarity with the people and the Government of #SriLanka is as strong as ever. Our thoughts and prayers are w/victims and their families
— Zohrab Mnatsakanyan (@ZMnatsakanyan) April 21, 2019
«Մտքով և աղոթքներով մենք զոհերի և նրանց հարազատների հետ ենք»,-եզրափակել է գրառումը Մնացակայանը:
Sputnik Արմենիան, ավելի վաղ տեղեկացրել է, որ Շրի Լանկայում արդեն 8-րդ պայթյունն է որոտացել: Զատկի տոնակատարությունները արնահեղության վերածած ահաբեկչական գործողությունների շարքին արդեն զոհ է գնացել 187 մարդ, մոտ 500 վիրավոր են:
