00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
5 ր
Ուղիղ եթեր
09:29
4 ր
Ուղիղ եթեր
09:34
27 ր
Ուղիղ եթեր
10:01
5 ր
Ուղիղ եթեր
10:05
55 ր
Ուղիղ եթեր
11:00
4 ր
Ուղիղ եթեր
13:00
4 ր
Ուղիղ եթեր
14:00
5 ր
Ուղիղ եթեր
17:00
6 ր
Ուղիղ եթեր
18:00
5 ր
5 րոպե Դուլյանի հետ
18:05
7 ր
Աբովյան time
On air
18:17
40 ր
Ուղիղ եթեր
19:00
4 ր
Ուղիղ եթեր
Լուրեր
09:21
46 ր
Ուղիղ եթեր
Լուրեր
10:00
46 ր
Ուղիղ եթեր
Ուրիշ նորություններ
10:47
5 ր
Ուղիղ եթեր
Մամուլի տեսություն
10:48
17 ր
Ուղիղ եթեր
Լուրեր
11:00
46 ր
Ուղիղ եթեր
Լուրեր
13:00
46 ր
Ուղիղ եթեր
Լուրեր
14:00
46 ր
Ուղիղ եթեր
Լուրեր
17:00
46 ր
Ուղիղ եթեր
Լուրեր
18:00
46 ր
Ուղիղ եթեր
Լուրեր
19:00
46 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել

© Sputnik / Aram NersesyanУчастники программы "Защитник родины"
Участники программы Защитник родины - Sputnik Արմենիա
Բաժանորդագրվել
«Երևան իմ սեր» հիմնադրամն արդեն մի քանի ամիս է, ինչ իրականացնում է «Հայրենիքի պաշտպան» ծրագիրը, որի շրջանակում բանակային ծառայության ժամանակ վիրավորված զինվորները լուսանկարչության դասընթացներ են անցնում:

ԵՐԵՎԱՆ, 20 ապրիլի – Sputnik, Նանա Մարտիրոսյան. Վերականգնողական կենտրոնի երկրորդ հարկ բարձրանալով` դռան հետևում տղամարդու ծիծաղ ու ոգևորված զրույց ենք լսում։ Բացում ենք դուռը, գեղեցիկ ու լուսավոր սենյակում տեսնում ենք ՀՀ նախագահի աշխատակազմից օպերատոր Վարդան Պետրոսյանին ու մի քանի երիտասարդ տղաների` Տիգրանին, Հարութին, Արմանին։ Հետո կմիանան մյուսները։

© Sputnik / Aram NersesyanՎարդան Պետրոսյան
Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել - Sputnik Արմենիա
Վարդան Պետրոսյան

Մեր ներս մտնելու պես տղաները տեղ են զիջում, յուրաքանչյուրը փորձում է պատրվակ գտնել միացրած դիկտոֆոնով հարցազրույցից խուսափելու համար։ Վարդանի կարծիքով` տղաները շատ համեստ են, դրա համար էլ ամաչում են։ Իսկ ընդհանրապես նա շատ է մտերմացել տղաների հետ, նրանց ոչ միայն մասնագիտական հիմունքներ է սովորեցնում, այլև ծանոթացնում է նրբություններին (լուսավորություն, ֆոն, ռակուրս, կոմպոզիցիա), ավագ ընկերոջ իրավունքով էլ փորձում է անհրաժեշտության դեպքում խորհուրդներ տալ, ճաշակի զգացողություն սերմանել։

Քանի դեռ մենք զրուցում ենք Վարդանի հետ, լսվում են լուսանկարչական ապարատների չխկոցները. սենյակում գտնվող բոլոր տղաները, որոնք իրենց քթի տակ ինչ–որ բան են շվշվացնում, լուսանկարում են մեզ ու վարպետին։ Երկուսս էլ նկատում ենք դա, բայց շարունակում ենք զրուցել։

Լուսանկարչի խոսքով` երբ դասընթացները սկսվեցին, 11 ուսանող կար, այսօր նրանք 7-ն են։ Պարապմունքների ընթացքում տղաները շատ են մտերմացել։ Ավելին, Տիգրանը, որը Երևանում բարեկամների տանն էր մնում, տեղափոխվել է ապրելու դասընթացների ժամանակ ծանոթացած ընկերների մոտ։

© Sputnik / Aram NersesyanՏիգրան Սարգսյան
Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել - Sputnik Արմենիա
Տիգրան Սարգսյան

Նա սակրավոր է եղել բանակում, վիրավորվել է Ապրիլյան քառօրյայից հետո։ Նրան միշտ հետաքրքրել են տեսանկարահանումները, մոնտաժը, բայց հետաքրքրվել է լուսանկարչությամբ և որոշել է հաճախել դասընթացներին։ Տիգրանը շատ է լուսանկարում և հույս ունի, որ ինչ–որ բանի կհասնի այս գործում։ Արդեն էջեր է բացել սոցցանցերում և տարբեր խորամանկություններ սովորել, որոնք օգնում են ներգրավել մոդելներին։

© facebook/ Tigran SargsyanԴավիթ Հակոբյանի դիմանկարը։ Հեղինակ` Տիգրան Սարգսյան
Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել - Sputnik Արմենիա
Դավիթ Հակոբյանի դիմանկարը։ Հեղինակ` Տիգրան Սարգսյան

Առավել հաճախ, իհարկե, ընկերներին է լուսանկարում։ Հատկապես Սերոբի բախտը շատ է բերել։ Նա, ի դեպ, այդպես էլ չհամաձայնեց խոսել մեզ հետ, կատակով պնդեց, որ ես վատ եմ համոզում։

© Sputnik / Aram NersesyanՍերոբը
Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել - Sputnik Արմենիա
Սերոբը

Իսկ այ Հարութը պատմեց, որ դասերի ժամանակ միշտ բաց ու զվարճալի մթնոլորտ է։ Ի տարբերություն Տիգրանի, նա բնապատկերներ է նկարում, աղջիկները նրան այդքան էլ չեն ոգեշնչում ստեղծագործելու համար։ Հարութը ևս Ապրիլյան պատերազմից հետո է վիրավորվել։

Խոստովանում է, որ եթե ծառայության ժամանակ ձեռքի տակ լուսանկարչական ապարատ ունենար, շատ հետաքրքիր բաներ կնկարեր։

© Photo : Harut BabayanՀարութի լուսանկարած բնապատկերը
Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել - Sputnik Արմենիա
Հարութի լուսանկարած բնապատկերը

Զրույցին միջամտում է Տիգրանն ու ասում, որ ուզում է նորից Արցախ մեկնել ու լուսանկարել իր տեսած գեղեցիկ բնապատկերները։

Մենք փոքր–ինչ տխրում ենք պատերազմի մասին հուշերի պատճառով, բայց հանկարծ սենյակ է մտնում «քայլող պոզիտիվը»` 21 տարեկան Արսենը։ Նա լայն ժպտում է, անդադար կատակում և Sputnik Արմենիայի լուսանկարչին խնդրում անպայման լուսանկարել իրեն ձախ պրոֆիլից, որ գեղեցիկ դուրս գա։ Ասում է, որ տղաները նրան քիչ են լուսանկարում, և միայն Տիգրանը կարող է այնպես լուսանկարել, որ այդ աշխատանքները ամոթ չլինի սոցցանցերում հրապարակել։

© Sputnik / Aram NersesyanԱրսենը
Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել - Sputnik Արմենիա
Արսենը

Նրա անկաշկանդ ու մտերմիկ զրույցից ոգևորված` հանդգնում եմ հարցնել, թե ինչ կուզեր լուսանկարել պատերազմի ժամանակ։

«Ապրիլյան առաջին գիշերը կուզեի նկարել։ Կառանտինում էի 1.5 ամսվա ծառայող էի։ Բարձրացանք դիրքեր, ու տեսա կարմիր կտրատվող գծեր։ Հետո հասկացանք, որ լուսածրող գնդակներ են։ Սովորական առավոտ էր, ու լսվեց տագնապի ձայնը, դեռ չգիտեինք` ինչ է նշանակում։ Հին ծառայողները բացատրեցին, որ մարտական տագնապ է, հետո հասկացանք պատերազմ է սկսվել», – պատմեց Արսենը։

Նա փոքր–ինչ տխրեց, բայց նկատելով, որ մենք էլ թևաթափ եղանք` անմիջապես աշխուժացավ ու սկսեց կատակել։ Արսենը պատմեց, որ շատ է սիրում լուսանկարել իր ավտոմեքենան, որը կենդանի էակ է համարում և խոստովանում է, որ ընկերուհին երբեմն խանդում է մեքենային։ Վարդանը նրան ընդհատելով` կատակում է, որ դա նորմալ է։ Վարդանն ամուսնացած է, նրա կինը, օրինակ, կատվին է խանդում։

Մինչ մենք ծիծաղում ենք, սենյակ է մտնում տղաների երկրորդ ուսուցիչը` Դավիթ Հակոբյանը։ Նա ՀՀ նախագահի լուսանկարիչն է։ Վարդանի պես նա էլ է տղաներին սովորեցնում վարպետության բոլոր գաղտնիքները։

Դավիթը խոստովանում է, որ մի կողմից տղաների հետ աշխատելը դժվար է, քանի որ բոլորը գրեթե զրոյից են սկսում ուսումնասիրել գործը, մյուս կողմից` հեշտ, որովհետև արդեն հասցրել է ընկերանալ նրանց հետ։

© Aram NersesyanԴավիթ Հակոբյան
Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել - Sputnik Արմենիա
Դավիթ Հակոբյան

Դավիթը փորձում է ընդլայնել տղաների մտահորիզոնը, խորհուրդներ է տալիս, թե ինչ ֆիլմեր դիտեն և որ լուսանկարիչների աշխատանքներին հետևեն`ճաշակ զարգացնելու և նոր բան սովորելու համար։

Հանում է իր նոթբուքը, և բոլորը հավաքվում են նրա շուրջ։ Արսենը բազմոցին տեղ չգտնելով` տեղավորվում է Սերոբի հաշմանդամության սայլակին։ Նրանք պատրաստ են քննարկել իրենց ավագ ընկերոջ` արցախյան առաջին պատերազմի մասնակից, երկու երեխաների հայր Արկադիի լուսանկարները։

«Հիմա ամեն ինչ տեսնում եմ, կարծես օբյեկտիվից նայեմ։ Արդեն բոլորին ձանձրացրել եմ իմ` ամեն ինչ լուսանկարելու սովորությունով», – կատակում է Արկադին։

© Sputnik / Aram Nersesyan«Հայրենիքի պաշտպան» ծրագրի մասնակիցները
Նրանք նշան են բռնում, բայց չեն կրակում. Արցախում վիրավորվածները նոր զբաղմունք են գտել - Sputnik Արմենիա
«Հայրենիքի պաշտպան» ծրագրի մասնակիցները

Բոլորը սկսում են ակտիվ քննարկել աշխատանքները, Դավիթն ու Վարդանը սխալներն են մատնանշում, և հանկարծ սենյակը լցվում է քրքիջով։ Արկադին ցույց է տալիս իր «նատյուրմորտը»` ոսկորները կոշիկի մեջ խցկած։ Ճիշտ է` առաջին հայացքից սարսափելի տեսք ունի, բայց իրականում անհնար է առանց ծիծաղելու նայել։

Լրահոս
0