ԵՐԵՎԱՆ, 18 ապրիլի — Sputnik. «Ռոսիա 24» հեռուստաալիքի նորությունների հաղորդավար է դարձել «Ալեքս» ռոբոտը, որը ստեղծել է մի ընկերություն Պերմից` դրա տնօրենի պատկերով, հաղորդում է «Վեստին»։
«Ալեքսի» դիմախաղերի համար պատասխանատու են 35 հաղորդիչ, որոնք նմանակում են մոտ 20 մարդկային զգացմունք։
Նշվում է, որ բոլոր դետալները, որոնցից հավաքվել է անդրոիդը, արտադրվել են Ռուսաստանում։
«Ալեքսի» վրա աշխատել են 2017թ.–ից, նրա վերջնական տարբերակը կհայտնվի 18 ամիս անց։ Առայժմ ռոբոտի ոտքերը և ձեռքերը չեն աշխատում, բայց դա ապագայում կուղղեն։
Մշակողները կարծում ե, որն «Ալեքսը» կարող է խորհրդատու աշխատել բանկերում, փոստային բաժանմունքներում և ապահովագրական ընկերություններում։
Նշվում է, որ ռոբոտների դեմքերը միշտ ավելի լայն և հասուն է ստացվում, քանի որ սիլիկոնը մարդու մաշկից հաստ է և չունի մկանների տոնուս։
Promobot–ի հիմնադիր Օլեգ Կիվոկուրցևի խոսքով` վերջնական տարբերակը շուկայում կհայտնվի 18 ամիս անց և կարժենա մոտ 1 միլիոն ռուբլի։ Նախագծի բյուջեն կազմում է 1,5 միլիոն դոլար։
