ԵՐԵՎԱՆ, 16 ապրիլի — Sputnik. Հայկական կողմը բանակցություններ կվարի Վրաստանի հետ դեպի Ռուսաստան միջուկային աշխատած վառելիքի տարանցման վերաբերյալ։ Այս մասին լրագրողների հետ զրույցում հայտարարեց վարկային և դրամաշնորհային ծրագրերի վարչության պետ Վարդան Մարտիրոսյանը։
Հայաստանը վառելիքի արտահանման ծախսերը ուզում է ինքնուրույն հոգալ։
«Ռուսական կողմից արդեն ընտրվել է ընկերությունը, որը արտադրության մնացուկներն օգտահանության կենթարկի։ Դա «Մայակ» արտադրական միավորումն է։ Մինչ նրանք կսկսեն աշխատել, կվերլուծեն պահեստարանում աշխատած վառելիքի կազմը։ Դա կօգնի որոշել աշխատանքների մոտավոր արժեքը», – Սոչիում անցկացվող «Ատոմէքսպո-2019» ատոմային տեխնոլոգիաների միջազգային ֆորումի ժամանակ հայտարարեց Մարտիրոսյանը։
Այժմ Ռուսաստան բեռի տարանցման թեմայով մնում է միայն բանակցել վրացական կողմի հետ։
Օդային տրանսպորտով այն չեն տեղափոխում, այդ պատճառով Վրաստանի իշխանությունները ստիպված կլինեն հիմնավորում ներկայացնել բեռներն ապահով ու անվտանգ տեղափոխելու համար։
Նշենք, որ «Մայակ» ռուսական ձեռնարկությունը զբաղվում է աշխատած վառելիքի վերամշակմամբ, ինչպես նաև պաշտպանական նպատակներով այն պլուտոնիումի վերածում։
