ԵՐԵՎԱՆ, 13 ապրիլի – Sputnik. Րոպեներ առաջ ողբերգական պատահար է տեղի ունեցել մայրաքաղաքում։ Էրեբունի վարչական շրջանի Ռոստովյան փողոցում «Միցուբիշի» մակնիշի ավտոմեքենան վրաերթի է ենթարկել մոտ 60 տարեկան մի տղամարդու։
Sputnik Արմենիայի տեղեկություններով` Վարորդը չի լքել դեպքի վայրը։ Վրաերթի ենթարկվածին օգնության հասած անձինք ահազանգել են 1-03:
Ժամանած շտապօգնության խումբը վրաերթի ենթարկվածին տեղափոխել է Էրեբունի բժշկական կենտրոն։
Հիվանդանոցի ճանապարհին տղամարդը, գիտակցության չգալով, մահացել է։
Ստուգվել է «Միցուբիշիի» վարորդի սթափության աստիճանը. նա ալկոհոլի ազդեցության տակ է եղել։
Պատահարի հանգամանքները պարզում են իրավապահները։
