ԵՐԵՎԱՆ, 10 ապրիլի — Sputnik. Հայաստանում ձվի ներկա պաշարը կբավարարի Սուրբ Հարության տոնին աճող պահանջարկը։ Այս մասին այսօր հայտարարվել է ձու արտադրողների և հասարակական կազմակերպությունների ներկայացուցիչների հետ տեղի ունեցած քննարկման ժամանակ, որն անցկացվել է Սննդի անվտանգության պետական ծառայությունում։
«Թռչնարտադրողների միության» հասարակական կազմակերպության նախագահ Սերգեյ Ստեփանյանը վստահեցրել է, որ տոնին ընդառաջ ձվի դեֆիցիտ չի լինելու։
Տեսչական մարմնի ղեկավար Գեորգի Ավետիսյանն էլ նշել է, որ թեև շուկայում հավկիթի գնի վերահսկողությունն իրենց գործառույթը չէ, բայց իրենց անհանգստության առիթը թռչնաբուծության անվտանգ զարգացումն է:
«Կարևորում եմ ժամանակ առ ժամանակ նման հանդիպումներ ունենալը, խնդիրները քննարկելը և հնարավոր լուծումների շուրջ համատեղ համաձայնության ձեռքբերումը»,- ասել է Տեսչական մարմնի ղեկավարը:
Քննարկման մասնակիցներն անհանգստություն են հայտնել նաև խանութներում հանդիպող անհայտ ծագման, կեղտոտ, «տնական ձվի» անվան տակ և ավելի մատչելի գնով վաճառվող առանց մակնշման հավկիթների վերաբերյալ:
Տնտեսվարողներն առաջարկել են իրենց աջակցությունը՝ իրացման կետերում շրջայցեր կատարելու և հայտնաբերված խախտումների մասին լիազոր մարմնին տեղեկացնելու միջոցով, պայմանով, որ տեսչական մարմինը օպերատիվ կերպով կպարզի նման հավկիթների ծագումն ու կկասեցնի վաճառքը:
Սուրբ Հարության տոնը կազմ Զատիկն այս տարվի կնշվի ապրիլի 21-ին։
