Թեհմինա Վարդանյան․ «Ապշած եմ․ աթեիստական, աղանդավորական միտում եմ տեսնում»
Թեհմինա Վարդանյանն անդրադարձել է իր առաջարկած նախագծի դեմ բարձրացած աղմուկին։
Ավագանու անդամը օրենսդրական նախաձեռնությամբ հանդես է եկել՝ առաջարկում է անվանափոխել Կենտրոն վարչական շրջանի երկու փողոցների՝ Մովսես Խորենացու և Գրիգոր Լուսավորչի, ինչպես նաև Մաշտոցի պողոտայի անվանումները: Նա առաջարկում է այդ փողոցների անվանումներից առաջ ավելացնել «սուրբ» բառը։
«Ապշած եմ որոշ մարդկանց արձագանքից։ Աթեիստական, աղանդավորական միտումներ եմ տեսնում այդ ամենում»,- ասել է Վարդանյանը։
Ըստ Վարդանյանի` շատ ամոթալի է, որ իտալական Նեապոլ քաղաքում կարող է լինել սուրբ Գրիգոր Լուսավորչի անվան փողոց, իսկ Երևանում` ուղղակի Գրիգոր Լուսավորիչ փողոց։
