Վահրամ Սահակյանը նշեց` գիրքը հարուստ է նկարագրություններով, պատմական իրողություններով, երկխոսություններով, ու այդ ամենը ներկայացվում է ժամանակակից կյանքի տեսանկյունից, ժամանակակից մարդու հայացքով:
«Կարծում եմ` բոլորին հետաքրքիր կլինի»,– ասաց նա:
Վահրամ Սահակյանը տեղեկացրեց, որ շուտով գրքի հիման վրա նաև թատերական ներկայացում է բեմադրվելու, և խաղալու է անձամբ ինքը։
«Ինքս կխաղամ այն. ոչ մեկին չեմ վստահում ոչ մի դեր, ոչ մի ռեժիսորի չեմ վստահում: Համոզված եմ` ներկայացումն ավելի օգտակար է լինելու՝ մանավանդ երիտասարդության համար»,– ասաց նա:
Սահակյանն ավելացրեց նաև, որ երբեք չի գրել շատերի համար։
«Ատյան ողբերգության» գրքի շնորհանդեսը տեղի է ունեցել մարտի 18-ին։
Մանրամասները` ձայնագրությունում։
