ԵՐԵՎԱՆ, 8 ապրիլի — Sputnik. Ամերիկացի լրագրող Էվան Օսնոսի հետ զվարճալի դեպք է տեղի ունեցել։ Բանն այն է, որ երեք տարեկան երեխան գրեթե կես դարով արգելափակել է նրա iPad–ը։
Լրագրողը հրապարակել է 25 536 442 րոպեով արգելափակված սարքի լուսանկարը Twitter–ում ու խնդրել է օգնել խորհրդով։
«Սա ֆեյքի տեսք ունի, բայց, ավաղ, հենց այսպիսի տեսք ունի մեր iPad–ն այն բանից հետո, երբ երեք տարեկան երեխան փորձել է (բազմաթիվ անգամ) արգելափակումից հանել սարքը։ Գաղափարներ կա՞ն», – գրել է Օսնոսը։
Uh, this looks fake but, alas, it’s our iPad today after 3-year-old tried (repeatedly) to unlock. Ideas? pic.twitter.com/5i7ZBxx9rW
— Evan Osnos (@eosnos) 6 апреля 2019 г.
Օգտատերերը նրան մի քանի տարբերակ են հուշել, իսկ ընկերներից մեկը Օսնոսին խորհուրդ է տվել iPad–ը պահել ու նվիրել որդու 50-ամյակին։
