ԵՐԵՎԱՆ, 6 ապրիլի — Sputnik. Sputnik Արմենիայի տեղեկություններով` երեկ արտառոց դեպք է տեղի ունեցել Շիրակի մարզում. Մեղրաշեն գյուղում ապրող 21-ամյա մի երիտասարդ փորձել է կյանքին վերջ տալ:
Երիտասարդն աշխատավայրում մեծ քանակությամբ քացախաթթու է խմել՝ ինքնասպան լինելու մտադրությամբ:
Քացախաթթուն խմելուց որոշ ժամանակ անց նա զղջացել է արարքի համար և ահազանգել 1-03: Ժամանած շտապօգնության մեքենայով էլ երիտասարդը տեղափոխվել է Գյումրու հիվանդանոց, որտեղ բժիշկներին հաջողվել է փրկել նրա կյանքը:
Տղան աշխատավայրում երկտող է թողել, որի բովանդակությունը, սակայն, հայտնի չէ:
Երիտասարդը դեռ վերակենդանացման բաժանմունքում է՝ անգիտակից վիճակում:
Իրավապահները պարզում են տղայի` այդ ծայրահեղ քայլին դիմելու պատճառները:
