ԵՐԵՎԱՆ, 5 ապրիլի — Sputnik. Հայաստանի Կամխուդ բարձր լեռնային զորավարժարանում սկսվել են ռուսական ռազմակայանի և հայկական բանակի դիպուկահարների հավաքները։
Այդ մասին հաղորդում է Ռուսաստանի ՊՆ Հարավային ռազմական օկրուգի մամուլի ծառայությունը։
Նշվում է, որ ռուսական ռազմակայանի Կամխուդ զորավարժարանում բազայի զինծառայողների և Հայաստանի պաշտպանության նախարարության երկկողմանի դիպուկահարային մրցումներին նախապատրաստվելու շրջանակում սկսել են դիպուկահարների հավաքներ։
Մասնավորապես, զինծառայողները մշակում են «Դրագունով» և «Վինտորեզ» դիպուկահար հրացաններից նշանառու կրակ վարելու հնարքները և միջոցները։
Հրահանգիչները մարտավարական հատուկ պատրաստվածության պարապմունքների ընթացքում դիպուկահարներին սովորեցնում են անհատական նշանառության և թիրախի ընտրության կանոններ։
Մամուլի ծառայությունից հայտնել են, որ երկու երկրների դիպուկահարների պատրաստվածությանը մասնակցում են ավելի քան 100 զինծառայողներ հաստիքային և արտահաստիքային դիպուկահարների թվից։
