ԵՐԵՎԱՆ, 5 ապրիլի – Sputnik. «Սպայկա» ընկերության տնօրեն Դավիթ Ղազարյանի ձերբակալության մասին տեղեկությունները ճիշտ են։ Այս մասին Factor.am֊ի հետ զրույցում ասել է ՊԵԿ նախագահ Դավիթ Անանյանը։
Անանյանը նաև չի հերքել, որ ՊԵԿ հետաքննական վարչությունը «Սպայկա» ընկերությունում ստուգումներ է իրականացրել։
«Սպայկա» ընկերության տնօրենի ձերբակալման մասին գրել էր «Հրապարակը»` հղում անելով իր աղբյուրներին,
2018 թվականի հուլիսի 9-ին Պետական եկամուտների կոմիտեի խոշոր և միջին հարկ վճարողների հարկային տեսչության հետաքննության վարչությունը հայտարարել էր, որ բեռնափոխադրումներով զբաղվող «Սպայկա» ընկերությունը, որը խոշորագույններից է միրգ-բանջարեղենի արտահանման ոլորտում, իրականությանը չհամապատասխանող հայտարարագրեր է ներկայացրել, ինչի հետևանքով պետական բյուջե չի վճարվել 2,045,282,459 դրամ գումար:
