ԵՐԵՎԱՆ, 4 ապրիլի — Sputnik. Մայիսին հայտնի կլինեն Երևանի թատրոնի և կինոյի պետական ինստիտուտի ու Երևանի Կոմիտասի անվան պետական կոնսերվատորիայի ռեկտորների անունները։ ՀՀ կրթության և գիտության նախարարությունը մրցույթ է հայտարարել այս երկու բուհերի ռեկտորների ընտրության համար։ Այս մասին տեղեկանում ենք ԿԳՆ–ի պաշտոնական կայքից։
Երկու բուհերի ռեկտորների ժամանակավոր պաշտոնակատարները նշանակվել էին 2018–ի նոյեմբերին։
«Կոնսերվատորիայի ռեկտորի թափուր պաշտոնի համար մրցույթի վերջնաժամկետը մայիսի 3-ն է. այն կանցկացվի մայիսի 14-ին»,–տեղեկանում են ԿԳՆ–ից:
Sputnik Արմենիան Կոնսերվատորիայի ռեկտորի ժամանակավոր պաշտոնակատար Սոնա Հովհաննիսյանից հետաքրքրվեց` պատրաստվում է արդյո՞ք դիմել ռեկտորի թափուր հաստիքի համար հայտարարված մրցույթին։ «Անպայման»,–ի պատասխան նշեց տիկին Հովհաննիսյանը։
Նշենք, որ Հովհաննիսյանը «Հովեր» պետական կամերային երգչախմբի ղեկավարն է։
Երևանի թատրոնի և կինոյի պետական ինստիտուտի մրցույթի վերջնաժամկետը մայիսի 10-ն է, մրցույթը տեղի կունենա մայիսի 22-ին։
Թատերականի ռեկտորի ժամանակավոր պաշտոնակատար Լիլիթ Արզումանյանից նույնպես ճշտեցի՞նք` պատրաստվում է դիմել հայտարարված մրցույթին։ «Դեռ չգիտեմ։ Գուցե»,–ասաց Արզումանյանը։
Նա, ի դեպ, 2013-2018 թվականներին Բարձրագույն որակավորման կոմիտեի նախագահն է եղել։
Երկու բուհերի ռեկտորների ժամանակավոր պաշտոնակատարներն էլ աշխատանքի են անցել 2018–ի նոյեմբերին։
