Իրականում Թուրքիայի ֆինանսատնտեսական ճգնաժամը ոչ մի վայրկյան չի դադարել: Ուղղակի ժամանակ առ ժամանակ ծայրահեղ բնույթ է կրում։ Հետո մի փոքր մեղմանում, ապա նորից սրվում է… Ու այդպես անընդհատ: Ռազմականացված երկիր դառնալով հանդերձ` Թուրքիան փորձում է աշխարհում որպես քաղաքակիրթ բնույթ ունեցող պետություն ներկայանալ։ Դե, մի տեսակ, այնքան էլ լավ չի ստացվում. ոչխարի մորթու տակից գայլի ատամներն են ժամանակ առ ժամանակ երևում: Կլինի դա Սիրիայում վարած քաղաքականությամբ, թե Իրաքում ապրող քրդերի դեմ վարած ռազմական գործողություններով: Էրդողանը փորձում է կոնկրետ խնդիր լուծել` պետությունն ամրապնդել ու հարևան երկիրների հաշվին իր տարածքներն ավելացնել: Բազմիցս եմ ասել, որ միջազգային հանրությունը դեռ լուրջ խնդիրներ է ունենալու` թուրքական բանակի կողմից Սիրիայում զբաղեցրած տարածքները դեռ ազատագրել է պետք. թուրք զինվորն ուր ներխուժում է, այնտեղ փորձում է ամրապնդվել։ Ինչպես, ասենք, Աֆրինում է։ Սակայն այդ ամենի մասին մի փոքր ավելի ուշ:
Հեղինակ՝ Արման Վանեսքեհյան
