60-ականներին բակում «էշ–միլիցա» խաղացող տղան ճակատագրի բերումով 90-ականներին դարձավ ոստիկանության գնդապետ, իսկ ավելի ուշ` ԱԻՆ գեներալ։
24 մարտի 2019, 21:38
«Տարիներ անցան» հաղորդման հյուրը հեռուստալրագրող և Փրկարար ծառայության գեներալ–մայոր Նիկոլայ Գրիգորյանն է։ Հաղորդման եթերում նա պատմում է` ինչպես էր բակի ընկերների հետ առավոտից իրիկուն ֆուտբոլ խաղում և ձուկ բռնում Հրազդան գետում։
Ասում է` մանկուց հիշողության մեջ դրոշմվել է ավագ սերնդի հեղինակավոր ներկայացուցիչներից մեկի հեգնական արտահայտությունը. «Տղա ջան, հասկացողն ամեն ինչ հասկանում է, չհասկացող մարդը պիտի գիրք կարդա, որ գլուխը մի բան մտնի»։
«Տարիներ անցան» ռադիոնախագիծը նվիրված է բակային խաղերին և մոռացված բակային ավանդույթներին, հին հարևաններին, դպրոցական կյանքին և անցյալի այլ վառ պատմություններին։
