ԵՐԵՎԱՆ, 29 մարտի — Sputnik. 2019թ.-ի առաջին եռամսյակի ավարտին դեռ մի քանի օր կա, բայց պետական բյուջեում արտասահմանյան պաշտոնական գործուղումների այդ ժամանակահատվածի համար հատկացված գումարն արդեն սպառվել է:
Այս է վկայում այսօր կառավարության նիստում ընդունված որոշումը: Դրանով կառավարությունը որոշեց առաջին եռամսյակի հատկացումներն ավելացնել ևս 40 մլն դրամով:
Ըստ ներկայացված տեղեկանքի` 2019 թվականի պետական բյուջեով արտասահմանյան պաշտոնական գործուղումների համար նախատեսված է տարեկան 350 մլն. դրամ, որից առաջին եռամսյակի համար՝ 87.5 մլն. դրամ:
Սակայն ս.թ մարտի 12-ի դրությամբ ՀՀ վարչապետի որոշումներով ֆինանսավորման ենթակա գումարը արդեն իսկ կազմել է 86.9 մլն դրամ:
